sunnudagur, desember 31, 2006

20 Bestu Lögin:
Björn Þór

Bob kynnir sinn lista fyrir ritstjórninni.


20:
The Young Knives - Weekends And Bleak Days (Hot Summer) mp3
Breskt nýrokk

Sveinbjörn:
Þú ert allur í pöbbarokkinu.

Björn Þór:
Ekkert smá grípandi og broddhvasst listarokk. Eins og Tweed jakkaföt, þá er þessi tónlist litrík, þægileg og notadrjúg í senn.

Sveinbjörn:
...Og bjórsletturnar beinlínis hverfa ofaní þetta.


19:
Regina Spektor - Samson mp3
Rólyndispopp

Björn Þór:
Voðalega fallegt lag til að grenja við í kertaljósi á fjörunni.

Sveinbjörn:
Ég hef ekki heyrt þetta áður. þetta er rosalega rómantískt lag. Svona eins og þú.

Björn Þór:
Koddu að vanga.


18:
The Horrors - Count In Fives mp3
Morðingjarokk

Björn Þór:
Þessir gæjar eru svakalega horaðir.

Sveinbjörn:
Þessir menn eru ekki hamingjusamir.

Björn Þór:
Nei, þeir drepa gæludýr. Ofsalega Dökkt og drungalegt. Í Bretlandi er það þannig að annaðhvort fílaru Klaxons og ert geðveikt litríkur og hress á því eða þú hlustar á Horrors og ert með átröskun og sjálfseyðingarhvöt. Ég er svona mitt á milli.

Sveinbörn:
Vampíra í neonbleikum krumpugalla?


17:
Klaxons - Not Over Yet mp3
Neonlitað næntís kover

Björn Þór:
Þeir áttu svakalegt ár, þessir gæjar. Þeir breyttu fatasmekk breta, og komu með þetta Nu-Rave™ allt saman.

Sveinbjörn:
Svona reif-referensar eru voða vinsælir núna. Skrýtið samt að gera reif referensa í rokktónlist að einhverri sérstakri tónlistarstefnu. Þegar Erlend Øye spilaði hérna tók hann Show Me Love eftir Robin S. í Jazz-Funk útgáfu. Er það þá Jazzfunkrave? Að því slepptu er þetta lag ótrúlega flott.

Björn veifar glóprikum


16:
Tap Tap - 100.000 Thoughts mp3
Lo-fi Indie

Björn Þór:
Epískt á inniskónum. Viðlagið finnst mér minna svolítið á Together In Electric Dreams.

Sveinbjörn:
Já? Giorgio Moroder í eldhúspartíi hjá Benna Hemm Hemm?


15:
Tapes N' Tapes - The Iliad mp3
Indírokk

Sveinbjörn:
Þetta band fór alveg framhjá mér. Þeir voru svo mikið hæpaðir að þegar ég tékkaði á þeim gaf ég þeim bara 15 sekúndna séns, og þegar ég greip þetta ekki strax, hætti ég að pæla í þeim. Kannski er helsti ókosturinn við þennann ótakmarkaða aðgang sem maður hefur að tónlist þessa dagana, að maður er miklu minna líklegur til að gefa hlutum séns. Ég er t.d. alveg hættur að nenna að hlusta á hljómsveitir sem reyna að adda mér á Myspace.

Björn Þór:
En þegar þú tékkar á svona liði nógu snemma, þá líður þér eins og þú eigir eitthvað í hljómsveitinni, að þú sért í sigurliðinu. Það er voða skemmtilegur staður til að vera á. Sturtandi kampavíni yfir hvorn annann í búningsklefanum.


14:
Black Keys - My Mind Is Ramblin' mp3
Skúnkblús.

Björn Þór:
Blús er ekki beint hipp tónlistarsefna núna. En ég verð að sína lit og styðja mitt lið. Við blúsáhugamenn verðum að halda dampi því einn daginn verður Blind Willie Johnson nýja Talking Heads fyrir bönd að neimdroppa sem áhrifavald í viðtölum. Sannið til. One day man, swear to god.

Sveinbjörn sker sig á púls.

Björn Þór sker sig á háls og drekkur sig svo í hel.


13:
Wolfmother - Dimension mp3
Skúnkrokk!

Björn Þór:
Auðvitað er þetta heilalaust, en þetta er bara svo fjári skemmtilegt. Fokk Mike Patton.

Sveinbjörn:
Þetta nær ekki alveg til mín. Woman er samt geeeeðveikt lag.

Björn Þór:
Jamm, Woman er æðislegt lag, jafnvel betra en þetta, en þar sem þetta er fyrsta lagið sem ég heyrði með þeim þá verð ég að setja það inn frekar. Þetta kveikti bálið í buxunum mínum.


12:
The Zutons - Someone Watching Over Me mp3
Skúnkgospel

Björn Þór:
Þetta lag finnst mér vera svo ógurlega fallegt.

Sveinbjörn:
Ég tengi The Zutons eiginlega bara við partí hjá Bjölla. Kemur mér á óvart að þetta hafi ekki farið hærra á listann hjá þér.

Björn Þór:
Manstu þegar Abi blikkaði mér á tónleikunum?


11:
Ben Kweller - Thirteen mp3
Sambandsslitapopp

Björn Þór:
Þetta breakup lag er svo fallegt að ég vildi næstum óska þess að hafa verið í þessu sambandi sem Ben syngur um.

Sveinbjörn:
Já, það er nú svolítill hjónasvipur með ykkur Ben. Ótrúlega fallegt lag samt.


10:
Justice - Waters of Nazareth mp3
Dómsdagsteknó

Sveinbjörn:
Þetta er harðasta teknó í heimi. Ekki hart í meiningunni erfitt og tormelt, heldur frekar hart eins og Clint Eastwood í rosalega vondu skapi.

Björn Þór:
Það er auðvitað ekki sjens að dansa við þetta. Þetta er meira svona Prog teknó. Dansmússík fyrir lengra komna. Það finnst mér meiriháttar.


9:
Yeah Yeah Yeahs - Gold Lion (Diplo Remix) mp3
Bailefunk skúnkindie

Björn Þór:
Djöfull dansaði maður við þetta í vor. Þetta er alveg skínandi dæmi um þegar rímixið er betra en orginallinn (og platan reyndar öll).


8:
Amy Winehouse - Rehab mp3
Skúnkfúnk... nei soul.

Björn Þór:
Djöfull hlýtur að vera gaman að djamma með henni.

Sveinbjörn:
Hún er annað hvort að fara að vera aðal púlsinn í partíinu eða að æla út klósettið þitt og drepast svo í baðkarinu.

Björn Þór:
Ég vissi allavega ekki að rónar gætu gert svona góða músík.


7:
The Presets - Are You The One? mp3
Kynferðisglæpamannadansrokk.

Björn bendir slímugum fingri að Sveinbirni.

Björn Þór:
Ert þú hin eina sanna!?

Sveinbjörn:
Uh...

Björn Þór:
Þetta er rosalega sexý lag, á svona fimmtánda bjór. Allavega höstllagið hans Lalla Johns. Smjörsýrurokk mætti segja.


6:
Goldfrapp - Slide In (DFA remix) mp3
Kynþokkadiskó

Björn Þór:
Úúú hún er svo sexý. Þetta korterslanga lag er einsog rosaleg kynmök með vélrænni flugfreyju frá leðurlandi.

Sveinbjörn:
Róbó-flugfreyja samsett úr pottum og pönnum. Ég fæ ekki nóg af þessu DFA dollusándi. Þetta hljómar allt eins og þetta sé tekið upp í skemmtilegasta eldhúsi í heimi.


5:
Whomadewho ásamt Munk og James Murphy - Kick Out The Chairs mp3
Stuðfúnk

Björn Þór:
Þvílíkt rosalega stuðlag er þetta. Það gæti vakið Saddam Hussein upp frá dauðum, dansandi uppá styttunni af sjálfum sér. Ofsalega gaman að öskra með og sletta kokkteilnum yfir nýja bindið þitt.

Sveinbjörn:
Maður getur vart hamið sig. Óáfengi Mojitoinn slettist útum allt. Þetta er eins og Talking Heads og Rick James að spila saman í kokteilboði hjá villtustu verðbréfasölum Kaupþings. Í DFA eldhúsinu víðfræga.


4:
The Rapture - Whoo! Alright - Yeah... Uh Huh mp3
Massastuð

Sveinbjörn:
Einsog segir í laginu er frítt sprútt er ekki alltaf ávísunin á gott partý.

Björn Þór:
Jamm. Viðlagið er einsog gospelið fyrir mér.
People don't dance no more
They just stand there like this
They cross their arms and stare you down
and drink and moan and diss


Sveinbjörn:
Það er voðalega erfitt að dansa hérna uppá borði með tölvuna þína fyrir.

Björn Þór:
Ég er æði.

Sveinbjörn:
The Rapture (og Hot Chip, reyndar) eru enn ein sönnunin fyrir því hversu mikil guðsgjöf Iceland Airwaves er fyrir íslenska trendbolta. Maður fær alveg +10 trendístig fyrir að geta sagst hafa séð þá á tónleikum áður en þeir gáfu nokkurn skapaðann hlut út opinberlega. I Was There, Man.


3:
Hot Chip - Over and Over mp3
Vinsælasta lagið á dansgólfinu í ár.

Björn Þór:
Ég var ekkert svo mikill aðdáandi þeirra fyrir, en þetta lag sneri mér við.

Sveinbjörn:
Þetta er eitt af þessum lögum sem allir geta verið sammála um að fíla. Urrandi slagari alveg hreint.

Björn Þór:
Einsog apinn með litlu simbalana.


2:
Lily Allen - LDN mp3
Breskt RnB með fiski og frönskum

Sveinbjörn:
Þetta er lag sem rykkir mann úr skammdegisþunglyndinu með offorsi.

Björn Þór:
Já sjitt mar, þetta lag er svo glaðvært að það gæti læknað krabbamein.


1:
Linus Loves - Waterfall mp3
Teiknimyndachillout

Sveinbjörn:
Orð fá ekki lýst krúttleika þessa lags. Alvin, Calvin og Theodore hasla sér völl í kaffihúsamúsík.

Björn Þór:
Þetta lag er alger upplifun. Þeir tóku Waterfall með 10cc, hröðuðu því uppí 45 snúninga, sömpluðu því og gerðu flottasta lag ársins að mínu mati. Mér finnst að Dolly Parton ætti að covera þetta, hljómar alveg einsog hún. Æðislegt lag sem yljar manni um hjartaræturnar.

föstudagur, desember 29, 2006

fimmtudagur, desember 28, 2006

2006 - 20 Bestu Plöturnar

Án málalenginga, uppáhalds plöturnar mínar þetta árið. Nokkur tóndæmi fylgja. Leitið að listanum yfir 20 bestu lögin á morgun eða hinn. Þar verða öll lögin tiltæk til niðurhals. Á þeim lista má einmitt finna nokkur lög af plötum á þessari upptalningu. Gleðileg breiðskífujól og púmmaljós um helgina.

20
Phoenix - 'It's Never Been Like That'

Sumir vita eflaust að ég er mikið fyrir softrokkið. Þessa melódíksu og þroskuðu smooth tónlist sem er flutt af fagmennsku og með smá artý kókaín-hreim. Sumir vilja meina að softrokkið hafi dáið með Fleetwood Mac einhverntíman í eitís... en NEI.
Phoenix - 'Long Distance Call' mp3

19
MSTRKRFT - 'The Looks'

Death From Above 1979 hætti saman og þetta er útkoman. Þetta glæsilega byrjendaverk Jesse Keeler er allt í senn 80's, sexý og grúfí. Hann þarf bara að komast yfir frönsku áhrifin og þá ætti næsta plata að vera enn betri.

18
Tiga - 'Sexor'

Þessi hommi gerði allt vitlaust í vor með '(Far From) Home', 'Pleasure From the Bass', 'You Gonna Want Me' og Talking Heads coverinu 'Burning Down the House'. Tiga er soldið kærastinn sem þú skammast þín fyrir. Þú myndir aldrei setjann í gang þegar þú ert allsgáður heima en þegar hann grípur í rassinn á þér á djamminu einsog öfugugginn sem hann er, þá ertu snöggur uppá borð að dansa með slíkum tilþrifum að böttplögginn skýst útúr þér.

17-16 (jafntefli)
Swan lake - 'Beast Moans'
Sunset Rubdown - 'Shut Up I am Dreaming'


Hey, Wolf Parade, take it easy með öll hliðarverkefnin. Hve mörg eru þau, fimmtán á þessu ári, þessi einnar-plötu-band verkefni ykkar? Djíís. Hey þetta er allt rosa flott stöff, en hvernig væri að halda aðeins í sér og gera næstu Wolf Parade plötu fjórfalda og fá Nóbelsverðlaun í að vera meiriháttar?
Swan Lake - 'All Fires' mp3
Sunset Rubdown - 'Shut Up I Am Dreaming of Places Where Lovers Have Wings' mp3

15
Ben Kweller - 'Ben Kweller'

ég vissi ekkert um þennan dreng í upphafi árs, en hann hefur víst verið að gefa út plötur síðan hann var í bleyju eða eitthvað. Yndislegt popp sem lætur engan ósnortinn. Hann minnir mig soldið á annan lítt þekktan rokkpoppara, Brendan Benson (Brendan er í Raconteurs núna en ég mæli með því að þið ignorið það skran og tékkið frekar á vanmetnu sólóstöffinu hans). Þessir piltar sóma sér vel saman í pleilista sem heitir "Út á róló að kela".

14
Young Knives - 'Voices of Animals and Men'

Ég kaupi alla mína mússík á vínyl ("How many hipsters does it take to change a lightbulb? - You don't know that joke? I've got it on vinyl.") og þegar það er svona gatefold-opna í miðjunni á albúminu finnst mér alltaf gaman að opna og skoða flotta mynd af meðlimunum. Nema að í þessu tilviki blöstu við mér þrír einstaklega ófríðir ungir menn í Kormáks og Skjaldar jakkafötum. En músíkin veldur engum vonbrigðum. Fokking geðveikt breskt art-rokk í anda Wire, Talking Heads og Gang of Four.

13
Hot Chip - 'The Warning'

Satt að segja hef ég alltaf leynilega hatað Hot Chip. Það er eitthvað við nördaskoppið og bakraddirnar og klunnaganginn sem pirrar mig. En sú staðreynd að hún inniheldur danssmell ársins ('Over & Over') og þynnkusmell ársins ('Boy from School') hlýtur að gera þessa plötu að vini sem þú vilt hafa hjá þér alla helgina. Hefur Björn séð að sér og faðmar Hot Chip? Fokk nei. Ég tek svona gremjulega í höndina á þeim og segi, "OK, cocksuckers. Þið gerðuð geðveika plötu. Til hamingju."

12
Linus Loves - 'Stage Invader'

Vangalög fyrir tortímandann. Vélmenni í sleik. Færibönd að ríða. Ég veit ekki, það er bara eitthvað við Linus Loves sem lætur mig hugsa um erótísk vélmenni. Ekki einsog Goldfrapp í meiningunni vélgellur að hýða þig, heldur í meiningunni að taka róbótann þinn niður í fjöru og að strjúka honum um fingurna. Snökt.

11
The Zutons - 'Tired of Hangin' Around'

Fyrir löngu komu Country Joe & The Fish með tónlistarstefnuna Rock n Soul. Það fylgdi þeim enginn eftir. Nema Zutons, 40 árum seinna. Kántrý, soul og taugatrekkingsrokk einkenndu fyrri plötuna þeirra ('Who Killed...") og nú hefur gospel bæst við. Svo er líka hin kærastan mín í þessari hljómsveit.

10
Wolfmother - 'Wolfmother'

Til helvítis með þessa viðkvæmu aula í riffluðum flauelsbuxum, kínaskóm og 'Bevar Christiania' peysum sem vinna í plötubúð og elska Belle & Sebastian. Wolfmother er þúsund sinnum skemmtilegri en þetta ógeðslega avant garde indy ambíent hörpuleikara spiladósarplonk. Þeir sem eru á móti Wolfmother mega éta það sem úti frýs (semsagt rónatippi). Við hin viljum rokk í vindkviðum, reykja bjór og drekka sígarettur!! YEAH!

9
Amy Winehouse - 'Back to Black'

Ég var búinn að gera listann og allt og átti bara eftir að setja hann hingað og þá -Whammo!- truntast bara Amy inná barinn og rífur af mér tippahárin í einu handtaki. Guð blessi hana. Hún er tímaflakkari og hlóðritaði þessa plötu árið 1964 í hljóðveri Motown undir stjórn Phil Spektor með The Shangri-Las sem bakraddir. Hún er forfallinn alki með ógleymanlega rödd og það tvennt sannast í laginu 'Rehab' sem bjargaði vetrinum mínum. Ég er farinn að setja krem á tippið.

8
Grand National - 'Kicking the National Habit'

Þvílíkt smorgasbord, hlaðborð eða einsog Færeyingarnir kalla það, sjálftökuborð! Hér kennir ýmissa grasa. Salsa, ska, rokk, soul, dans og stáltrommurnar aldrei langt undan. Grand National húlla í strápilsi á brimbretti um allar trissur á þessari æðislegu plötu. Maður hugsar um sól, blómabörn og fagrar eyjameyjar án þess að fara úr diskósalnum. Urban sumarfrí mætti segja. Syndsamlega ignoruð plata sem allir ættu að eignast! Aloha!
Grand National - 'Cherry Tree' mp3

7
LCD Soundsystem - '45:33'

Þegar joggingbuxuframleiðandi með trilljarða í markaðsbudget hringir í bestu danstónlistarmenn heimsins í dag og biður um lag til að selja skokk-ipod getur útkoman ekki klikkað, er það? LCD Soundsystem bjuggu til 45 mínútna langt lag þar sem farið er upp og niður í æsing og hvert erfiðleikastig er öðru betra. Ég hef reyndar ekki svitnað við þetta sköpunarverk, en ég get fullyrt að þetta er besta bíltúrslag ever. Ég var með þetta í gangi þegar ég skutlaði manneskju útá flugvöll í haust og ég varð ástfanginn af þessu lagi í blautri birtu appelsínugulra ljósastauranna á Reykjanesbrautinni. Ég hlustaði á það aftur á leiðinni heim. Æðislegt. Skítt með fimm ára börn sem sauma fótbolta í Indónesíu, Nike rúlar.

6
The Presets - 'Beams'

Ástralir voru með krepptan upphandleggsvöðvann í ár og lúskraði öllum í sjómann. Í dansinum voru The Presets lang bestir meðal samlanda (Bumblebeez, Van She ofl) og skiluðu inn þessari standpínuplötu sem enginn smokkur passar á. Brútal, sexý, blaut í koppafeiti og pungsvita en tender inn á milli. Alveg einsog alvöru fantar eiga að vera.

5
Lay Low - 'Please Don't Hate Me'

Hún Lovísa sýndi það og sannaði í ár að einlægni, persónulegar lagasmíðar og innlifun í flutningi trompar ÁVALT sálarlausa Ædol páwerballöðufroðu (Kristín Vala, Sigga Frikks, Sjonni eða hvað þetta pakk heitir alltsaman) og risaeðlukombökkum sem tröllríða öllu í íslenskri plötuútgáfu þessi misserin. Engir milljónadýrir stúdíótímar í Sýrlandi og leiðsögn frá Einari Bárðar. Aðeins eitt hæfileikaríkt söngvaskáld að flytja fallega tónlist. Uppskeran er ein vinsælasta plata ársins og einfaldlega indælasta plata sem ég hef heyrt í háa herrans tíð.
Lay Low - 'Mama' mp3

4
Peter, Bjorn & John - 'Writer's Block'

Það hefur nógu lofi verið ausið yfir þessa gæja og þú ert vafalítið búin/n að hlusta á þetta fyrir löngu (og komin/n með DAUÐLEIÐ á flautinu. En það má ekki gleyma því að þetta er ein -ef ekki sú- besta skandinavíska platan síðan A-Ha voru upp á sitt besta. Einstaklega smekkleg og þroskuð skífa sem er kappfull af ylvolgum og fallegum lögum sem lifa með þér lengi lengi lengi. Og allir nú! *flaut*
Peter, Bjorn & John - 'Amsterdam' mp3

3
The Rapture - 'Pieces of the People We Love'

Biðin var orðin óbærileg þegar ég heyrði fyrsta efnið af þessari plötu fyrir tæpu ári síðan. Hægt og bítandi fóru lög að detta inn og þegar platan kom loksins út var fimmtán lítrum af lofti blásið út um hvort lunga í gríðarlegu léttisandvarpi. Lögin voru hvert öðru betra og það var greinilegt að önnur plata The Rapture yrði verðugur jafningi hinnar fyrri frá 2001. 'The Devil' og 'Woo! Alright! Yeah... Uh Huh' voru mín allra uppáhalds "seinasta lagið áður en við förum út" lög ársins.

2
Lily Allen - 'Alright, Still'

Lily djögglar reggae, rappi, dans og þessari bresku "urban" músík sem erfitt er að skilgreina. Annaðhvort elskar þú Lily Allen eða þú hatar Lily Allen. En ég á enn eftir að hitta nokkurn mann sem hatar hana. Þessi yndislega breska popptík er svo ómótstæðileg og ávanabindandi að allir sem í henni heyra falla í ástartrans og vilja flytja búferlum í fannypackinn hennar. Þvílíkt og annað eins sólskinspopp og yndislegheit, ég bara á ekki orð. Svo er hún rosa sæt líka, en ekki láta gabbast. Hún lætur hóp af chavs berja þig af minnsta tilefni.

1
Tapes n Tapes - 'The Loon'

Næstum því ári seinna er ég enn að setja hana á fóninn, hlusta til enda og að setja nálina strax aftur til baka.
Tapes n Tapes - '10 Gallon Ascots' mp3

þriðjudagur, desember 26, 2006

Bossa Nova!



Gelgja, bólur og að vera kölluð Klámkynslóðin. Íslenskir unglingar eru svolítið vonlausir. En guði sé lof fyrir undantekningar einsog Retro Stefson. Á meðan flest börn á þeirra aldri raða sér upp í brauðröð til að kaupa sér Vans slipons, plötur með Pink og miða á Basshunter eru þessir æðislega hressu vinir að chilla á svona uppblásnum banana í sjávarmálinu niðrí Kokomo. Varðeldasöngvar og stáltrommueinvígi galore.

Meðalaldur Retro Stefson er í kringum sextán árin og músíkinni lýsa þau sem Retro-Latin-Surf-Soul-Powerpop. Án nokkurs vafa landsins frumlegasta band undir tvítugu. Almáttugur, ég er tíu árum eldri en þau og mig langar í partý hjá þeim. Dæs.

Retro Stefson - 'Medallion' mp3
Retro Stefson - 'Papa Paulo III' mp3
Retro Stefson Myspace

sunnudagur, desember 24, 2006

Afmælissöngur Jesúsar



Hér er einhver snillingur búinn að taka 'Losing My Edge' með LCD Soundsystem og snúa því upp í jólalag með bjöllum og hátíðartexta.

TBC Soundsystem - 'Losing My Sledge' mp3

Með hangikjétsfeiti á puttunum renn ég til á lyklaborðinu og óska hverjum sem kveðjuna vill, GLEÐILEGRA JÓLA og ásættanlegs áramótaskaups.

föstudagur, desember 22, 2006

Föstudagur!

OK, vindkviður allt að 55 metrar á sekúndu í kvöld. Æði. Ég legg til að skella þessu í kojufyllerí. Hoppa á rúminu með skál af poppkorni og týna sígarettunum sínum.

Ég mun henda inn slatta af meiriháttar jólaslögurum á morgun eða hinn, bara svo þú hafir eitthvað til að hlusta á meðan vindurinn og regnið berja gluggann og ömmu þína. Svo á milli jóla og nýárs verðum við eflaust með einhverja lista og athugasemdir um árið sem er að líða.

En hvað með gamlárskvöld? áhugasömum bendi ég á 90's partý á Nasa. Þar mun þetta væntanlega heyrast:

Acen - 'Close Your Eyes' mp3

þriðjudagur, desember 19, 2006

Soldið seinn mánudagari



Mér var nýlega gefið mixteip þar sem hin ágæta listakona Karen Dalton átti heiðurssæti. Dalton var á meðal bóhemana í NY í örlí sixtís sem gengu um kaffihús og fluttu folk slagara. Þrátt fyrir að vera dáð af liði einsog Bob Dylan fékk Karen aldrei almennilegan plötusamning og það eina sem liggur eftir hana eru nokkrar demóupptökur og ein stúdíóplata sem enginn keypti á sínum tíma. Hún er auðvitað algert költ fyrirbæri í dag og það er ekki amalegt að láta seiðandi rödd hennar dáleiða sig.

Karen Dalton - 'Something on your Mind' yousendit
Karen Dalton - 'How Sweet It Is' yousendit

föstudagur, desember 15, 2006

Föstudagsslagarinn


krotborg

Jólastressið getur fengið á mann. Ímyndum okkur að við séum í Bronx einhverntíman árið 1980 og förum að sippa.

Spank Rock - 'Rick Rubin' (White Girl Lust Golden Era Rmx) yousendit

mánudagur, desember 11, 2006

Stríð í skeggi



Vietnam eru að gera skemmtilegt stóner/kántrí/blús rokk. Þeir minna svoldið á Kings of Leon í því að þeir eru með mjög retró sánd og maður vill troða fótunum í kúrekastígvél full af sandi og sparka í gamalt fólk.

Þetta eru Yousendit linkar.
Smellið á þá og dánlódið á síðunni sem opnast.
Vietnam - 'Welcome To My Room'
Vietnam - 'Mr Goldfinger'
Vietnam - 'Priest, Poet, & The Pig'

föstudagur, desember 08, 2006

Vínhús



Lagið 'Rehab' með Amy Winehouse ætlar að verða stórsmellur sýnist mér. Í hvert skipti sem þetta lag er sett á fóninn tryllist mannskapurinn, sver að hann ætlar ALDREI í meðferð og sveiflar hvítvínsglasi því til sönnunar. Hér er Hot Chip remixið.

Amy Winehouse - 'Rehab' (Hot Chip remix) mp3
Færslan með orginal laginu er hér.

Föstudagsslagarinn

Hvar endar þessi næntís nostalgía? Munum við öll hlaupa út á endanum og fara á tónleika með Todmobile, Geira Sæm eða Pís of Keik? Jah, hví ekki. Klaxons eru í þannig hugleiðingum.

The Klaxons - 'Not Over Yet' mp3
The Grace - 'Not Over Yet' mp3

þriðjudagur, desember 05, 2006

Nýtt frá LCD Soundsystem!



Ég verð að segja að ég er virkilega að digga þessa nýju stefnu hjá LCD Soundsystem. Þeir byrjuðu með þennan Talking Heads/Krautrock/Soul fíling í Nike laginu og hér er sama áferðin. Þetta er fyrsta lagið af væntanlegri plötu þeirra, 'Sound of Silver'. Virkilega flott stöff.

LCD Soundsystem - 'Get Innocuous' mp3
(Fjarlægt að beiðni listamanns)

föstudagur, desember 01, 2006

Föstudagsslagarinn

Gamalt pakk setur Pink Floyd á fóninn og grenjar æskumissinn.
Ég set hinsvegar þetta lag á og þykist bara hafa fengið eitthvað í augað.

DJ Tonka - 'Phun-Ky' mp3

miðvikudagur, nóvember 29, 2006

Fúnk í lélegum hljómgæðum


Það er í raun hættulegt að gefa út OF góða fyrstu plötu. Allir tapa sér yfir henni og því verður pressan ógurleg og þú lufsast í ofboði, hendir einhverju rusli saman og gefur út eina andvana alltof snemma.

Þú verður annaðhvort að bíða í fimm ár einsog The Rapture eða að gefa út alltílæ plötu fyrst og gjörsamlega rota fólk með plötu nr. tvö.

Það er einmitt það síðarnefnda sem íslandsvinirnir í Lo-Fi-Fnk eru að gera. Nýtt stöff með þeim hefur verið að vætla um netið og það er alveg mergjað. Hér eru tvö dæmi. "The Boxer" er skemmtilegt á svona diskó-retard hátt. "Springsteen" er instrumental og brútal fyrir þá sem meika ekki glaðværan sönginn sem einkennir þessa sænsku pilta. Hej alle huppa.

Lo-Fi-Fnk - 'The Boxer' mp3
Lo-Fi-Fnk - 'Springsteen' mp3

sunnudagur, nóvember 26, 2006

Feigðarflögð



Þessar gellur eru klikkaðar. Þær lemja menn með keðjum, borða gæludýr og kúka í heitapotta. Fyrst höfum við White Nights með súper grípandi lag. Svo bætast Spektrum við inná kvennaklósettinu. Hott, stuð og Monstertrukkar. Að lokum kemur hin gellan úr Fleetwood Mac, Christine McVie. Saumaklúbbs búggívúggí sem mamma getur dansað við.

White Nights - 'Elevator' mp3
Spektrum - 'Don't Be Shy' mp3
Christine McVie - 'I Want You' mp3

föstudagur, nóvember 24, 2006

Föstudagsreif i boði Diskóráðs Ölduselsskóla

Árið er 1993 og ég er úllingur og það er ekki mikið að gerast í Breiðholti. Landi í Fanta Lemon var ekki ennþá byrjaður að vera aðal málið, og ég hafði eiginlega bara áhuga á því sem gerðist í diskóbúrinu í Ölduselsskóla. Sérstaklega hafði ég gaman af því að spila gamlann bunka af Hardcore plötum sem var þarna. Það var búið að stela öllum aðalhitturunum, þannig að hardcore plöturnar sem voru þarna voru voðalegir afgangar. Ein af plötunum sem ég spilaði mikið þarna var með House Crew, "The Theme".



Þið getið skoðað fullt af gömlum hardcore myndböndum hérna.

---

Smá viðbót:

Ég bara verð að sýna ykkur þetta líka!

Reifaðasta lagið og reifaðasta megareif myndband ever. Tryllt ungmenni í skræpóttum fötum að dansa reifdans á umferðareyju í London, það verður varla meira reif en það. Reif í reifið!

miðvikudagur, nóvember 22, 2006



Þrátt fyrir að heita eftir minnst-uppáhalds fontinum mínum er The Rosewood Thieves æðislegt band. Soldið rokk, soldið köntrý, soldið gamaldags og soldið módern.

Ef þú ert tónlistarunnandi, settu þá þessa gæja í eyrun og njóttu. Ef þú ert hönnuður, hættu þá að nota Rosewood.

The Rosewood Thieves - 'Back Home To Harlem' mp3
The Rosewood Thieves - 'Lonesome Road' mp3

föstudagur, nóvember 17, 2006

Föstudagsslagari XXVII



Föstudagsslagararnir eru sveittir og í pólíesterjakkafötum að þessu sinni.

Ekki gleyma soul-söngvurunum í kuldakastinu. Gefum þeim brauðmola og kanski smá koníak með.

Núna er ég farinn að syngja hás og móður fyrir einhverja snótina og þerri svitann af enninu með hvítum silkivasaklút inn á milli.

Taj Mahal - 'Ain't That a Lot of Love' mp3
Al Green - 'Here I Am (Come And Take Me)' mp3

miðvikudagur, nóvember 15, 2006

Stelpuslagur

Einsog hundaæðissýktum kjúklingum í vöruskemmu í Bangladesh er tveimur ungum tónlistarkonum att saman í blóðugum bardaga. Amy Winehouse og Lily Allen eru nokkuð svipaðar þegar á þær er fyrst litið. Þessar Lundúnapæjur eru rétt skriðnar yfir tvítugt, eru kjaftforar og gera frábæra og grípandi popptónlist.



Amy Winehouse átti plötuna 'Frank' hér um árið og fór hún satt að segja fram hjá mér. Hún var drukkin og með strigakjaft í viðtölum og eftir að fárið í kringum hana dó út taldi ég mig aldrei eiga eftir að heyra hennar getið aftur. Svo heyri ég lagið 'Rehab' af nýju plötunni hennar 'Back to Black' sem var að koma út og ég stóð leiðréttur. Þessi unga mær hljómar einna helst einsog The Supremes, Shirley Bassey, The Ronettes og aðrar stelpuhetjur sjöunda áratugarins. Svo gætir einnig rapp, gospel og reggae áhrifa. Einstök rödd og retró sánd. Stórgott. Phil Spector yrði ánægður. Ég fylgist með henni héðan í frá.

Amy Winehouse - 'Rehab' mp3
Amy Winehouse - 'Me and Mr Jones (Fuckery)' mp3




Lily Allen er öllu þekktari, enda hefur hún verið í tryllingslegum hæp-stormi undanfarið. Tónlistarlúðar með internettengingu halda ekki vatni yfir henni og er það vel skiljanlegt: Hún er töff, sæt og gerir æðislega mússík. Einsog frægt er fékk þessi dóttir breska grínarans Keith Allen plötudíl eftir að hún hafði sett nokkur lög inná myspace. Útkoman var platan 'Alright Still' sem hún samdi eftir erfið sambandsslit. Úff, breiköpp-platan. Margar tónlistarkonur hefðu kuðlað sig upp með gítar og ullarpeysu og samið grátklökk lög um eymd og volæði og hvað það er erfitt að vera konugrey. Ekki Lily. Hún gerði stormandi poppplötu þar sem hún dansar og trallar ofan á sambandinu, hótar aulanum barsmíðum og gerir grín að því þegar hann náði honum ekki upp. Aðdáunarvert.

Lily Allen - 'LDN' mp3
Lily Allen - 'Knock 'em Out' mp3

föstudagur, nóvember 03, 2006

Vídjóleigan 2

Það eru allir trylltir yfir því að Kanye West vann ekki einhver verðlaun í Evrópsku MTV hátíðinni í gær. Hann stormaði uppá svið, nöldraði í hljóðnemann og pissaði svo í buxurnar.

Þetta myndband vann.

Justice vs. Simian - 'Never Be Alone'


Svo höfum við hér soldið flott video fyrir Kavinski...

Kavinski - Testarossa Autodrive'

Föstudagsslagari XXVI



Afmælisglundroði á Dillon annað kvöld. Þetta verða algjörar fótboltaóeirðir þannig að hjálmar og vasahnífar eru skilyrði. Pinnahælar fyrir stelpurnar.

Brakes - 'All Night Disco Party' mp3
The Bush Tetras - 'You Can't Be Funky' mp3

miðvikudagur, nóvember 01, 2006

Brainnnns!

Rosa pró að koma með hryllingspóst daginn eftir hrekkjavöku. Sannleikurinn er bara sá að her hinna ódauðu réðst inn á skrifstofur Skrúðgöngunnar á miðnætti í gær. Við börðumst hetjulega og slátruðum þessum zombís með kylfum, öxum, keðjum og haglabyssunni sem við áttum inni í skáp. Ég vissi að hún kæmi einhverntíman að gagni. En því miður náði einn þeirra að bíta Svenna í höndina. Zombí-Svenni er núna hlekkjaður við vegg niðrí kjallara og mun skrifa sínar færslur þaðan héðanífrá.



Þrátt fyrir að Cannibal Holocaust sé með þeim mest distörbing og sikk kvikmyndum sem ég hef séð, þá er tónlistin eftir Riz Ortolani undurfögur. Hlustið á þessa unaðslegu tóna og hugsið um stjaksett kvenfólk, afskorna getnaðarlimi, slátraðar skjaldbökur og tryllta villimenn að rífa í sig innyfli lifandi fólks. Njamm.

Riz Ortolani - 'Theme from Cannibal Holocaust' mp3
Riz Ortolani - 'Cameramen's Recreation' mp3
Riz Ortolani - 'Crucified Woman.mp3' mp3

laugardagur, október 28, 2006

Partý í Hval 9



Vinir mínir á Hvalveiðaskipinu Hvalur 9, Brjánn, Georg og Blængur ætla að halda teiting í kvöld. Við ætlum að þamba uppsafnaðan raka úr vélarfeitis-tunnunni, slægja Langreið eða tvær, gera símaöt og fara svo í armbeygjukeppni. Eða eitthvað.

Hér er það sem fer í kassettutækið þegar við viljum ota mjöðmunum til og frá:

The Presets eru frá Ástralíu, kunna að búa til flotta mússík og eru með soldið flotta heimasíðu.
The Presets - 'I Go Hard I Go Home' (Ascii Disko Remix) mp3

Klanguage er líka flott. Nenntekki að gúglaða.
Klanguage - 'Priceless Things' mp3

Og hér að lokum er fagurt lag sem passar vel við trúnóið í kvöld eða koddahjalið á morgun.
Donovan - 'Oh Deed I Do' mp3

föstudagur, október 27, 2006

Föstudagsslagari XXV

Mikið að gera í vinnunni. Hef ekki tíma fyrir miklar bloggskriftir. Hér er föstudagsslagari. Hann er hress. Góða helgi.

» Simian Mobile Disco - Animal House
[fixed link]

fimmtudagur, október 26, 2006

Vídjóleigan

Klaxons gerðu fína hluti á Airwaves og hér er glænýtt myndband með þeim, við lagið 'Magick'. Fyrir glowsticks-pervert einsog mig er þetta alger draumur.



Leikstjórinn er Saam Farahmand, sem er að gera allt vitlaust í myndbandaheimum. Hann gerði einmitt myndbandið hér að neðan við lagið 'Hustler' með Simian Mobile Disco. Ég verð að segja að mér finnst þetta svoldið hott vídeó, enda pínu dónó.

í Maxgallann og út að skokka



Þið hafið örugglega heyrt um þetta. Nike fékk James Murphy (DFA, LCD Soundsystem) til að búa til skokk-mixteip handa sér. Ætlunin var að gera tónlist sem passar við störf líkamans meðan á æfingu stendur (sem þýðir bara stöðug hækkun/hröðun og rólegheit í hvorn enda). Útkoman er glimrandi fínt þrjiggjakortera retró-diskó-tekknó bútasaumsteppi úr nokkrum lögum sem lágu ókláruð á harðadisknum hans.

Það eru auðvitað háværar nöldur-raddir í gangi frá liði sem er ósátt við að Murphy sé að gera lag handa Nike og að hann sé núna einhver sellout. Hvernig væri ef það pakk myndi bara drulla sér frá nöldur-spjallrásunum, leggja frá sér Pringlesið, setja smyrsl á legusárið, fara út að hlaupa og hættessu djöfulsins væli! Mér finnst þetta mergjuð hugmynd! Nike ætti að gefa út heila seríu af hlaupalögum frá framsæknum tónlistarmönnum. Meira svona!

LCD Soundsystem - '45:33' mp3
(Fjarlægt að beiðni listamanns)

föstudagur, október 20, 2006

Föstudagskvöldið a Airwaves

Svona lítur dagskráin út fyrir kvöldið:

Gaukurinn 20:45
Lisa Lindley Jones

NASA 21:30
Future Future

Pravda 22:00
Bloodgroup

Listasafnið
22:15
Apparat Organ Quartet

Pravda
23:20
Steed Lord
Mögulega mest trendí hljómsveit í sögu lýðveldisins.

Listasafnið
00:00
The Go! Team

01:00
"TBA"
(ég hef góðar heimildir fyrir því að Erlend Øye muni vera með DJ sett í þessu slotti)

01:20
Skatebård

03:00
Walter Meego DJ set

fimmtudagur, október 19, 2006

Kæra dagbók - miðvikudagur

Hin mergjaða Airwaves hátíð er byrjuð og bærinn er fullur af yndisfríðum skandinavískum stelpum með bjór í hönd sem spyrja mig til vegar. Njamm. Ég hljóp eins og fætur toguðu niður á Pravda í gær. Þar voru Electroll að klára DJ settið sitt. Næstur inní búr var our very own Terrordisco. Hann tryllti lýðinn að vanda en af einhverri ástæðu virtust rússarnir sérstaklega fíla hann Svenna okkar.

Zuckakis Mondeyano Project eru greinilega orðnir allt of stórir fyrir Pravda því þvagan lá hálfa leiðina niður stigann. Svo þegar Lovísu var meinaður aðgangur vegna skilríkjaleysis ákváðum við að stinga af. Það er greinilegt að Lay Low er ekki ennþá orðin nógu fræg til að fá greiðan aðgang á Pravda. Ég heyrði að Gaukurinn væri einsog sveitt skinkudós (ég er farinn að kvíða fyrir Wolf Parade á föstudaginn)og því fórum við yfir á Nasa. Þar náðum við Original Melody og Forgotten Lores. Svaka stuð og þar voru allir sem skipta máli.

Nema Harrison Ford. Það mætti halda að DJ Indiana Jones væri sein viðbót við hátíðina því enginn getur haldið vatni yfir að Harrison Ford, sem lék í þarna kafbátamyndinni með Ingvó E Sigurðs, sé að tjilla á landinu. Sjíss!

En hér er bónus lag með Klaxons. Sjáið þá í Listasafninu í kvöld. Ég meina það. Harrison Ford verður þar.

Klaxons - 'Magick' (simian Mobile Disco remix) mp3

þriðjudagur, október 17, 2006

Airwaves #27

Mr. Silla & Mongoose (IS)
Í Þjóðleikhúskjallaranum á laugardaginn, kl. 23:30



Silla syngur einsog engill og Maggi spilar einsog satan. Semsagt voða vel. Hann seldi víst sál sína sjálfum sér.

» Mr. Silla & Mongoose - 'Noodlefeet'
» Mr. Silla & Mongoose - 'Ten Foot Bear'

» Mr. Silla & Mongoose á icelandairwaves.com

Airwaves #26

Nokkrir uppáhalds íslenskir Airwaves artistar:

FM Belfast
Á Pravda - Airwaves Club laugardagskvöldið kl. 23.30

FM Belfast er Árni Rúnar Hlöðversson (Plúseinn) og Lóa Hjálmtýsdóttir. Þegar hann er ekki að búa til trendí hárgreiðsluelektró með Hairdoctor, og þegar hún er ekki að búa til teiknimyndasögur, þá koma þau saman og búa til tónlist undir nafninu FM Belfast.

» FM Belfast - Lotus (Killing In The Name Of)
» FM Belfast á Myspace

Bloodgroup
Á Pravda - Airwaves club, föstudagskvöldið kl. 22.00

Bloodgroup eru frumherjar í endurreisn næntíssins á íslandi. Lagið þeirra, » Hips Again (demo), hefur hlotið mikla spilun á myspace prófílnum mínum.

» Bloodgroup - Hips Again (demo)
» Bloodgroup á Myspace

Idir
Á Grand Rokk, fimmtudagskvöldið kl. 21.45
Ef tregafull kassagítarsmúsík er eitthvað fyrir þig, áttu eftir að fíla Idir í klessu.

» Idir - All The Dreaming
» Idir á Myspace

Airwaves #25

Wolf Parade (CAN)
Á Gauknum á föstudaginn, kl. 00:00



Mér finnst þetta tvímælalaust besta hljómsveitin sem kemur fram þetta árið. Óli Palli, Arnar Eggert Thoroddsen og Andrea Jóns munu öll standa aftast í leðurjökkunum sínum með hendurnar í kross og nikka höfðinu í takt meðan þau bíta í neðri vörina. En án gríns, ef þú sérð bara eina tónleika á hátíðinni...

» Wolf Parade - 'This Heart's on Fire'
» Wolf Parade - 'Fancy Claps'

» Wolf Parade á icelandairwaves.com

Airwaves #24

Whitest Boy Alive (NO/DE)
Á Gauknum á fimmtudaginn, kl. 00:00

Erlend Öye var einu sinni í Kings of Convenience. Ég fílaði það band nokkuð vel, en það var samt eitthvað við sándið á hljómsveitinni sem stuðaði mig pínu.
Hann er núna hvítasti gæji í heimi og er að hössla allar svörtu píurnar.

» Whitest Boy Alive - 'Dead End'

» Whitest Boy Alive á icelandairwaves.com

mánudagur, október 16, 2006

Airwaves #23

Lay Low (IS)
Nasa á fimmtudaginn, kl. 20:00



Það má ekki hundur prumpa án þess að minnst sé á Lay Low. Hún er í auglýsingum í sjónvarpinu, á plakötum, forsíðum blaða og í hjörtum okkar allra. Þetta krútt gefur draugum einsog Patsy Cline og Johnny Cash ekkert eftir í trega og einstaka ruddaskap. Allir verða að sjá hana því eftir þetta verður hún voða big-time og þið getið sagst hafa séð hana back in the day.

» Lay Low - 'Boy oh Boy' (Demo)

» Lay Low á icelandairwaves.com

Airwaves #22

The Go! Team (UK)
Í Listasafninu á föstudaginn, kl. 00:00



Rosalega eklektískt og hávært ofvirknis dansirokk. Þetta stuðpakk frá Brighton eru jafnvíg á að gera meiriháttar fúttlög sem fá fatlafól til að taka snúsnú og magnþrungna epík sem sogar út tár. Listasafnið verður svo sannnarlega mest hipp staðurinn til að vera þetta kvöld.

» The Go! Team - 'Ladyflash'
» The Go! Team - 'Bull in the Heather' (Sonic Youth cover)

» The Go! Team á icelandairwaves.com

sunnudagur, október 15, 2006

Hrúga af Airwaves

Lisa Lindley-Jones (UK)
Gauknum á föstudaginn, kl. 20:45



Í fyrsta lagi: Hún er óóóóógeðslega sæt. Höfum það í huga. Hotttttttttttt með fjórtán t-um. Þetta er soldið eins og Sonic Youth með fallegum kvennmanssöng. En djöfull er hún sæt.

» Lisa Lindley-Jones - 'Firetime'

» Lisa Lindley-Jones á icelandairwaves.com


- - -


Islands (CAN)
Á Gauknum á föstudaginn, kl. 20:45



Krútt! KRÚÚÚÚÚÚÚÚÚTT! Alveg meiraðsegja megakrútt. Allt bakköppbandið hjá Múm mætt, og Sufjan og Benni Hemm Hemm klappa með. Plinketyplonk. Rosa vel gerð krúttering í alla staði.
Hey! Hvað myndirðu kalla framhaldsþátt um ástir og örlög Múgíson og stelpnanna í Amina? Lopasápa!

» Islands - 'Rough Gem'

» Islands á icelandairwaves.com


- - -


Hogni Lisberg (FO)
Í Þjóðleikhúskjallaranum á föstudaginn, kl. 22:00

Einhversstaðar í skemmu í afviknu þorpi í færeyjum er tilraunastofa, þar sem færeyskir vísindamenn hafa í 20 ár unnið að því að fullkomna vísnasöngvagenið. Færeyingar eru rosa flinkir í að flytja út hugljúfa tónlistarmenn, og Högni er ekkert síðri en Eivör eða Teitur.

Þetta lag fer í iPoddinn hjá hugljúfasta núlifandi íslendinginum, Jóni Ólafssyni (Jón Ólafsson sem spilar á hljómborð, ekki Jón Ólafsson sem borðar munaðarleysingja).

» Hogni Lisberg - 'Morning Dew'

» Hogni Lisberg á icelandairwaves.com


- - -


Datarock (NO)
Á Gauknum á fimmtudaginn, kl. 23:00



Mjög dansvænt norskt síðpönk sem David Byrne væri stoltur af. Ef þú fílar Talking Heads, þá ættir þú að grípa stóru jakkafötin og mæta á þessa tónleika.

» Datarock - 'fa fa fa'

» Datarock á icelandairwaves.com