mánudagur, september 03, 2007

Nýr Meðlimur!

Í dag virðist allt ungt fólk á Íslandi vera litlir hamstrar úr flísefni. Börnin renna sér á strigaskóm með litlum dekkjum og köflóttar náttbuxurnar fá að fljóta með. Öll glæpamennska er bráðnuð úr ungdómnum. Þau sitja heima um helgar og nudda fæturna á mömmu og pabba. Eftir sitjum við gömlu krimmarnir og skælum. Það eina sem minnir okkur á gömlu dagana eru endursýningar á Sönn Íslensk Sakamál.

Það var því deginum ljósara þegar við fórum að leita okkur að nýjum meðlim í glæpaklíkuna að við þyrftum að leita út fyrir landssteinana. Eini staðurinn sem kom til greina var Spánarveldi, þar sem blóðið fossar um göturnar og þeir sem minna mega sín eru drepnir og étnir.

Hér er umfjöllun um nýjasta meðlim okkar, orðrétt úr skýrslu Interpol:



Þangað til yfirvöld, herinn, lögreglan og Spænski Rannsóknarrétturinn ná til Joninu, mun hún senda okkur færslur úr neðanjarðarbyrgi sínu, í gegnum stolið og blóðugt faxtæki. Við/þið megum fastlega búast við popptónlist, fjörugri dansmúsík og heimstónlist ("Heimstónlist" í merkingunni góð tónlist frá öðrum löndum en USA og Evrópu, en ekki viðbjóðslegt patchouli panflautujóðl einsog er selt í kryddbúðum og við kassann í Kaffitár).

Hér að neðan gefur að líta fyrstu færsluna hennar Joninu, sem við bjóðum velkomna með óttablandinni skelfingu.

Engin ummæli: