miðvikudagur, september 16, 2009

Nýtt með Hjálmum!



Fréttatilkynning frá Hjálmum og gogoyoko.com

Fjórða hljómplata Hjálma, IV, er nú fáanleg á gogoyoko.com. Platan kemur
í verslanir þann 21. september, en þangað til verður eingöngu hægt að
kaupa hana á stafrænu formi á gogoyoko.com.

Einnig verða allar eldri plötur Hjálma (Hljóðlega af stað, Hjálmar og Ferðasót) seldar á sannkölluðum spottprís hjá gogoyoko.com fram til 21. september. Verð hverrar plötu er aðeins 4,50 evrur (um 800 íslenskar krónur).

IV var tekin upp í Hljóðrita, Hafnarfirði og í Tuff Gong og Harry J Studio á Jamaíka í vor. Á Jamaíka fékk hljómsveitin til liðs við sig ýmsa þaulreynda innfædda tónlistarmenn sem setja sitt mark á lopapeysureggíið sem Hjálmar eru þekktir fyrir.

Síðasta plata Hjálma, Ferðasót, kom út árið 2007 en það er ljóst á eftirspurninni og áhuganum núna að IV er beðið með mikilli óþreyju.


Kaupið plötuna á gogoyoko.com.

Hér er síðan örlítill nasaþefur:

» Hjálmar - "Taktu Þessa Trommu"

1 ummæli:

Nafnlaus sagði...

mjog ahugavert, takk